|
Yn de groep fan
‘De Eastergoa Skotsers’ bestiet in grut ferskaat oan kostúms
foar de froulju. Om’t keazen is foar in tiidrek fan tweintich
jier is te sjen dat ek yn dat tiidrek de moade fan de klaaiīnge
feroare. Mar dêrneist binne yn dat tiidrek ek fêste tradysjes
fan it Frysk kostúm behâlden. Dat betsjutte dat der in protte
fariaasjes yn de kostúms wiene. |
|
|
 |
|
|
It kostúm foar de frou bestiet út ferskate ûnderdielen. Froulju droegen
ûnderklean, in rok en dèr boppe-op in saneamd jak (dat is in boppestik dat oant
oer de heupen rikt). Ek hawwe de froulju in skelk om’e middel en in tipdoek om’e
skouders. Om der in moai gehiel fan te
meitsjen hawwe de froulju in earizer mei in floddermûtse op’e
holle en as’t efkes kin wat sieraden lykas in bûgeltas en
sydsulver..It grutste ferskil yn de kostúms foar de
frou is werom te finen by de mouwen fan it jak. Dy ferskillen
wurde sjen litten op de foto’s.
|
|
|
Underguod
Net te sjen foar de taskôger is
it ûnderguod. Dat bestiet út in wite katoenen ûnderbroek dy’t oer de knibbels
komt en in wite ûnderrok. Beide ûnderdielen binne ûnderom ôfset mei kant en
boppe-oan foarsjoen fan bandsjes om se fêst meitsje te kinnen yn ‘e mil. As
lêste hawwe de froulju wite katoenen knibbelhoazzen, yn swarte leren skuon dy’t
foarsjoen binne fan in sulveren gasp. |
|
|
|
|
Earizer en mûtsen
Bysúnder oan it Frysk
kostúm is itjinge de frou op ‘e holle hat. Dat is gearstald út
ûnderskate ûnderdielen.
Oer it opstutsen hier
komt in wite mûtse dy’t ôfwurke is mei in breidene of haakte
râne. Dêr oerhinne hat hja in swarte mûtse dêr’t it earizer
opset wurdt. It earizer, lykas de froulju fan de Eastergoa
Skotsers dat hawwe is fan sulver. Twa modellen binne yn omgong:
in smel en in breed model.
|
|
 |
 |
|
|
De
smelle earizers hawwe saneamde fûgelkopknoppen, it brede earizer
hat potknoppen. Oer it earizer wurdt in wite floddermûtse
droegen. Dy soepel fallende mûtse is makke fan tule en hat in
râne dy’t makke is fan kant.
De lingte kin
fariearje.
De
floddermûtse kin op’e siden fan’e holle fêstset wurde mei
spesjale lange sulveren mûtsespjelden.
|
|
|
It manljuskostúm |
|
 |
 |
|
|
Ek it
manljuskostúm bestiet út ferskate ûnderdielen. De
manjlu drage in baitsje dat makke is fan katoendamast. Dat
baitsje hat oan de foarkant twa rigen knopen dy’t fan deselde
stof wêze kinne. Mar de knopen kinne ek makke wêze fan sulver,
tin of bien. Under it baitsje hawwe de manlju in himd dat makke
is fan linnen, mei in borduerde kraach en mansjetten. De kraach
wurdt sletten mei twa sulveren kielknopen en de mansjetten mei
sulveren mansjetknopen. Om de hals hawwe de manjlu in katoenen
of siden sjaaltsje.
|
|
|
Flapbroek |
|
|
.De
broek is in saneamde flapbroek. Dy is makke fan swart flewiel en
hat in flappe oan’e foarside dy’t mei knopen te plak hâlden
wurdt. De broek komt oer de knibbel en wurdt dêr slúten mei in
sulveren gasp.
De
manlju hawwe ljochte breiden skieppewollen hoazzen. De skuon
binne swart mei in sulveren gasp derop. Op’e holle drage hja in
swarte hoed, it saneamde biedermeier model. Ek dizze hoed is
oan’e foarside foarsjoen fan in sulveren gasp.
|
|
|
As lêste hawwe
de manlju in sulveren bûshorloazje oan in keatling mei
segelstimpels. |
 |
|
|
|
|
|
|
|
| |
|
