Wolkom op it webstek fan De Eastergoa Skotsers! Op dit webstek fine jo in ferskaat oan ynformaasje oer de folkloristyske dûns- muzyk- en sjonggroep út Burgum.

De namme fan ‘e groep is ûntliend oan de streek dêr’t de leden wei komme. Nei 1500 waard Fryslân yn fjouweren ferparte: De Âlve Stêden, Westergoa, Eastergoa en de Sân Wâlden. Us groep komt út Eastergoa. ‘Skotsers’ is in oar wurd foar dûnsers dèrom dy namme.

‘De Eastergoa Skotsers’ dûnsje yn it autentike Fryske kostúm út it tiidrek 1820-1840, mei as bysonder elemint it smelle earizer fan de froulju mei dêr oerhinne de lange floddermûtse. Mear ynformaasje en foto’s oer it frouljus- en manljuskostúm fine jo ûnder it ûnderdiel klaaiīnge.
It programma dat dûnse wurdt is ek ôfkomstich út it tiidrek 1820-1840 en befettet inkelde hiel spesifike dûnsen út’e streek. Foar mear ynformaasje dêroer ferwize wy jo nei it ûnderdiel programma en boekings.